काठमाडौं । प्रभु बैंकले आफ्ना थप १०२ शाखा कार्यालयहरू एक आपसमा गाभ्ने भएको छ ।
साविकको सेञ्चुरी कमर्शियल बैंकलाई गाभेर पुस २६ गतेदेखि एकीकृत कारोबार सुरु गरेको प्रभुले एकै स्थानमा दोहोरिएका थप १०२ शाखा कार्यालय गाभ्न लागेको हो ।
बैंकले साविकको सेञ्चुरी कमर्शियल बैंकका ४१ शाखा बन्द गरी प्रभु बैंकको शाखा कार्यालय भएको ठाउँबाट कारोबार गर्न लागेको हो । त्यस्तै, साविकको प्रभु बैंकको १० शाखा बन्द गरी साविकको सेञ्चुरी भएको ठाउँबाट कारोबार गर्ने भएको हो ।
शाखा समायोजनपछि बैंकले साविकको सेञ्चुरी कमर्शियल बैंकका ४१ वटा र साविकको प्रभु बैंकको १० गरी ५१ वटा शाखा बन्द गर्ने भएको छ ।
समायोजन तथा स्थानान्तरण भएका शाखा कार्यालयबाट वैशाख १० गतेदेखि एकीकृत कारोबार सुरु गर्ने बैंकले जनाएको छ ।
बैंकले यसअघि विभिन्न ठाउँमा २६ शाखा गाभ्ने तथा स्थानान्तरण गर्ने घोषणा गरिसेकेको छ ।
