काठमाडौं । नेपाल उद्योग वाणिज्य महासंघ (एफएनसीसीआइ)को वस्तुगत उपध्याक्षमा हेमराज ढकाल निर्वाचित भएका छन् ।
उमेशलाल श्रेष्ठ प्यानलबाट उमेदवारी दिएका ढकालले निकटतम प्रतिस्पर्धी अन्जन श्रेष्ठ प्यानलका मनिषलाल प्रधानलाई ९ मतले पछि पार्दै विजयी भएका हुन् । ढकाले ६१ मत पाउँदा प्रधानले ५२ मत पाएका थिए । रामचन्द्र संघई प्यानलका सुकुन्तलाल हिराचनले भने ७ भोट मात्रै पाए ।
त्यसैगरी, महासंघको जिल्ला नगर उपाध्यक्षमा सुरकृष्ण वैद्य विजयी भएका छन् । रामचन्द्र संघईको प्यानलबाट उमेदवार बनेका वैद्य ६ मतले विजयी भएका हुन्।
वैद्यले ४३ मत पाउँदा निकटतम प्रतिस्पर्धीअन्जन श्रेष्ठ प्यानलका उमेदवार अरुणराज सुमार्गीले ३७ पाए । त्यस्तै, उमेशलाल श्रेष्ठ प्यानलका दिनेश श्रेष्ठले ३४ मत ल्याए ।
महासंघको बुधबार भएको निर्वाचनको मतगणना जारी छ । अब अन्य पदहरूको नतिजा आइसकेको छ भने अब एसोसियट उपाध्यक्ष र वरिष्ठ उपध्याक्षको नतिजा आउन बाँकी छ ।
