काठमाडौं । नेपाल स्टक एक्स्चेन्ज (नेप्स)मा थप दुई कम्पनीको बोनस सेयर सूचीकृत भएको छ । नेप्सेमा आइतबार श्री इन्भेष्टमेन्ट एण्ड फाइनान्स र ङादी ग्रुप पावरको गत वर्ष २०७८/७९ को नाफाबाट वितरण गरेको बोनस सेयर सूचीकृत भएको हो ।
नेप्सेमा श्री इन्भेष्टमेन्टले गत वर्षको नाफाबाट वितरण गरेको २.४० प्रतिशत बोनस बापतको २ लाख ३० हजार ८२ कित्ता बोनस सेयर सूचीकृत भएको हो ।
त्यसैगरी,ङादी ग्रुपको ४.७५ प्रतिशत अर्थात् ८ लाख ३९ हजार ४८२.२२५ कित्ता बोनस सेयर नेप्सेमा सूचीकृत भएको हो ।
नेप्सेमा सूचीकृत दुवै कम्पनीको बोनस सेयर सम्बन्धित सेयरधनीको डिम्याट खातामा जम्मा भएपछि मात्र दोस्रो बजारमा खरिदविक्री गर्न सक्नेछन् ।
