काठमाडौं । हरेक स्थानीय तहमा औद्योगिक ग्राम स्थापना गर्ने नीतिअनुसार सरकारले थप ८ स्थानमा औद्योगिक ग्राम घोषणा गरेको छ ।
उद्योग वाणिज्य तथा आपूर्ति मन्त्रालयले चैत २० गते राजपत्रमा सूचना प्रकाशित गर्दै ७ जिल्लाका ८ वटा स्थानीय तहमा औद्योगिक ग्राम घोषणा गरेको हो ।
गत फागुन ५ गते बसेको मन्त्रिपरिषद् बैठकले देशका विभिन्न ८ स्थानमा औद्योगिक ग्राम घोषणा गर्ने निर्णय गरेको हो । मन्त्रालयले सो निर्णय राजपत्रमा प्रकाशित गरेको हो ।
राजपत्रमा प्रकाशित विवरण अनुसार काभ्रेपलान्चोकको मण्डनदेउपुर ६ र बेथानचोक २, नुवाकोटको लिखु ४, म्याग्दीको रघुगंगा २, पाल्पाको रिब्दिकोट ३, गुल्मीको रुरु क्षेत्र ४, जुम्लाको तातोपानी गाउँपालिका २ र दार्चुलाको अपि हिमाल ४ मा औद्योगिक ग्राम घोषणा गरेको हो ।
सरकारले ती स्थानीय तहमा औद्योगिक क्षेत्र निर्माणका लागि सीमांकन समेत गरेको छ ।
