काठमाडौं । नेपाल आयल निगमले पेट्रोलियम पद्धार्थको मूल्य घटाएको छ ।
सोमबार बसेको निगम सञ्चालक समिति बैठकले आज राति १२ बजेदेखि लागू हुने गरी खाना पकाउने एलपी ग्यास बाहेक अरु सबै इन्धनको भाउ घटाउने निर्णय गरेको हो ।
निगमले डिजेल, मट्टीतेल र हवाई इन्धनको मूल्य लिटरमै १०/१० रुपैयाँ घटाउने निर्णय गरेको हो । त्यस्तै, पेट्रोलको भाउ प्रतिलिटर ३ रुपैयाँ घटाएको हो ।
भाउ घटेसँगै अब डिजेल र मट्टीतेलको खुद्रा मूल्य प्रतिलिटर १६५ रुपैयाँ र पेट्रोलको प्रतिलिटर १७५ रुपैयाँ कायम हुने छ ।
खाना पकाउने ग्यासको मूल्य भने प्रतिसिलिण्डर यथावत राखेको छ । पछिल्लो डेढ महिना यता भारतबाट लगातार भाउ घटेर आए पनि निगमले भने बल्ल घटाएको हो ।
