काठमाडौं । नेपाल नागरिक उड्डयन प्राधिकरणले विमान उडानको क्रममा फोटो भिडियो खिचेर टिकटक बनाउने हिमालय एयरलाइन्सका तीन ‘क्याबिन क्रु’लाई निलम्बन गरेको छ ।
हवाई उडान मापदण्ड उल्लंघन गरेको भन्दै प्राधिकरणले बिहीबार चालक दलका तीन सदस्यलाई कारबाही गरेको हो ।
प्राधिकरणका अनुसार बिहीबार काठमाडौं-दोहा रुटमा उडानमा रहेको एच ९-५६३ उडान नम्बरको जहाज पाकिस्तानको आकाश माथि उडिरहेको समयमा एक पुरुष र दुई महिला एयरहोस्टेस टिकटक भिडियो बनाएको पाइएको छ ।
पछिल्लो समय जहाज चालक दलका सदस्यहरु भाइरल हुने लोभमा नियम उल्लंघन गरी आकाशमा टिकटक बनाउने प्रवृत्ति बढ्दै गएको छ ।
