काठमाडौं । नेपाल स्टक एक्स्चेन्ज (नेप्स)मा आज एकैदिन ४ कम्पनीको बोनस सेयर सूचीकृत भएको छ ।
नेप्सेमा मंगलबार नेको इन्स्योरेन्स, अपि पावर, साधना लघुवित्त र आरएसडीसी लघुवित्तले गत वर्ष २०७८/७९ को नाफाबाट वितरण गरेको बोनस सेयर सूचीकृत भएको हो ।
नेप्सेमा नेको इन्स्यारेन्सले गत वर्षको नाफाबाट वितरण गरेको १५ प्रतिशत बोनस बापतको २६ लाख २४ हजार ८१८.२० कित्ता बोनस सेयर सूचीकृत भएको हो ।
त्यसैगरी,अपि पावरको ७.५ प्रतिशत अर्थात् २८ लाख ८३ हजार ६८६ कित्ता बोनस सेयर नेप्सेमा सूचीकृत भएको हो ।
त्यस्तै, साधना लघुवित्तको १९ प्रतिशत अर्थात् ६ लाख १० हजार ३२८.४५ कित्ता र आरएसडीसी लघुवित्तको ६ लाख ४४ हजार १२४.५९ हजार कित्ता बोनस सेयर सूचीकृत भएको छ ।
नेप्सेमा सूचीकृत चारै कम्पनीको बोनस सेयर सम्बन्धित सेयरधनीको डिम्याट खातामा जम्मा भएपछि मात्र दोस्रो बजारमा खरिदविक्री गर्न सक्नेछन् ।
