काठमाडौं । आइएमई ग्रुपका अध्यक्ष चन्द्रप्रसाद ढकाल नेपाल इन्फ्रास्ट्रक्चर बैंक (निफ्रा)को संचालक समितिबाट बाहिरिएका छन्।
पछिल्लो समय बढ्दै गएको कार्यव्यस्ततालाई कारण देखाउँदै उनले संचालक समिति सदस्यबाट राजीनामा दिएका हुन् ।
निफ्रा सञ्चालक समितिको मंगलबार साँझ बसेको बैठकले बुधबारबाट लागू हुनेगरी उनको राजीनामा स्वीकृत गरेको छ।
ढकाल बाहिरिएसँगै हाल निफ्राको सञ्चालक समितिमा ६ जना सदस्य छन्। अध्यक्षमा विशाल ग्रुपका निर्देशक अनुज अग्रवाल रहेका छन्।
त्यस्तै, नेपाल सरकारका तर्फबाट श्रीकृष्ण नेपाल (संस्थापक, लीलामणि जोशी (संस्थापक) शंकरप्रसाद अधिकारी (स्वतन्त्र), सुमन पोखरेल (सर्वसाधरण सेयरधनी) र लीमा अधिकारी आचार्य (सर्वसाधरण सेयरधनी) सदस्य रहेका छन् ।
