काठमाडौं । डिप्रोक्स लघुवित्त वित्तीय संस्थाले गत आर्थिक वर्ष २०७८/७९ को मुनाफाबाट घोषणा गरेको लाभांश पारित गर्न साधरण सभा बोलाएको छ ।
कम्पनीले फागुन ३० गते २१ औं वार्षिक साधरण सभा बोलाएको हो । लघुवित्तको सभा होटल सेभेन स्टार, सौराहा, चितवनमा हुनेछ।
कम्पनीले सभामा गत वर्षको नाफाबाट घोषणा गरेको १० बोनस सेयर र कर प्रयोजनसहित ११.०५ प्रतिशत गरी कुल २१ .०५ प्रतिशत लाभांश पारित गर्ने मुख्य प्रस्ताव लैजाने भएको छ ।
प्रस्तावित लाभांश कम्पनीको सो सभाले पारित गरेपछि सेयरधनीले पाउने छन् । कम्पनीले साधरण सभा प्रयोजनका लागि फागुन १९ गते बुकक्लोज मिति तोकेको छ । सो अनुसार फागुन १८ गतेसम्म कायम सेयरधनीले मात्र लाभांश पाउने छन् ।
