काठमाडौं । नेपाल स्टक एक्स्चेन्ज (नेप्से)ले दुई लघुवित्त कम्पनीको सेयर मूल्य समायोजन गरेको छ । नेप्सेले निर्धन उत्थान लघुवित्त र इन्फिनिटी लघुवित्तको सेयर मूल्य समायोजन गरेको हो ।
दुवै लघुवित्तले साधारण सभा तथा लाभांश वितरण प्रयोजनार्थ बुकक्लोज गरेसँगै नेप्सेले सेयर मूल्य समायोजन गरी नयाँ मूल्य निर्धारण गरेको हो।
निर्धनले गत आव २०७८/७९ को नाफाबाट वितरण गर्ने १९ प्रतिशत बोनसपछि मूल्य समायोजन भएको हो । नेप्सेका अनुसार समायोजनपछि निर्धनको नयाँ सेयरमूल्य ८३४.४५ रुपैयाँ कायम भएको छ ।
त्यसैगरी, इन्फिनिटी लघुवित्तले गत वर्षको नाफाबाट वितरण गर्ने २० प्रतिशत बोनस सेयरका आधारमा मूल्य समायोजन भएको हो । समायोजनपछि इन्फिनिटीको सेयर मूल्य ८३१.६७ रुपैयाँ कायम भएको छ ।
अब यही समायोजित मूल्यका आधारमा मंगलबार दुवै कम्पनीको दोस्रो बजारमा सेयर कारोबार खुल्ने छ।
