काठमाडौं । काठमाडौंका मुख्य बजार असनमा भाइसलाका प्याकेटहरु न्यूनतम ८० रुपैयाँदेखि ७ हजार रुपैयाँसम्मको विक्रीका लागि राखिएको छ ।
विभिन्न २१ वटा सामाग्रीहरु मिसाएर बनाइने भाइमसलालाई आकर्षक तरिकाले प्याक गरि तयार पारिन्छ । यस्ता आकर्षक प्याकेजीङ सहित तयार पारिएका भाइमसलाको मूल्य वर्षेनी बढ्ने गरेको छ ।
भाइमसलामा काजु, बदाम, मिश्री, पेष्ता, किसमिस, छोकडा, नरिवल, ओखर, खुर्पानी, अंजिर, मखना, सुपाडी, ल्वाङ, सुकुमेल, अलैंची, दालचीनी गरि १६ सामाग्री अनिवार्य राख्ने गरिन्छ ।
यी सामानहरु बाहेक चकलेट, काँचो बदाम, ओखरको गुदी र किटक्याट जस्ता थुप्रै प्रकारका मिठाइहरु मिसाइएको हुन्छ । यस्ता विभिन्न सामग्री मिसाएर बनाइएका भाइमसलाहरु ७ हजार रुपैयाँसम्ममा विक्री भइरहेका छन् ।
काजु, किसमिस, बदाम, ओखरको गुदि, पेष्ता मात्र भएका भाइमसला २ सय रुपैयाँदेखि ४ हजार ५ सयसम्ममा विक्री भइरहेको असन बजारमा देख्न सकिन्छ ।
यस्तै भाटभटेनीमा यस्ता भाइमसलाहरु २ सय ५६ रुपैयाँदेखि १५ सय रुपैयाँसम्मका भाइमसलाहरु विक्रीका लागि राखिएका छन् ।
