काठमाडौं । सुपर मादी हाइड्रोपावरको प्राथमिक साधारण सेयर (आइपीओ) बाँडफाँट भएको छ । कम्पनीको सेयर निष्काशन तथा विक्री प्रबन्धक सानिमा क्यापिटलले आज बिहान आइपीओ बाँडफाँट गरेको हो ।
सानिमा क्यापिटलका अनुसार गोलाप्रथाबाट १ लाख ७४ हजार ३०० जनाले १० कित्ताका दरले सेयर हात पारेका छन् । ११ लाख २४ हजार ३९३ जनाकाे हात रित्तो भएको छ ।
कम्पनीले माघ ९ गतेदेखि सर्वसाधरणका लागि प्रतिकित्ता १०० रुपैयाँ दरले १७ करोड ४३ लाख ४० रुपैयाँ बराबरको १७ लाख ४३ हजार कित्ताका आइपीओ विक्रीमा ल्याएको थियो ।
कहाँबाट हेर्ने रिजल्ट ?
कम्पनीको आइपीओको रिजल्ट ३ ठाउँबाट हेर्न सकिने छ । लगानीकर्ताले https://iporesult.cdsc.com.np/ मा गएर १६ अंकको डिम्याट नम्बर हालेपछि सजिलै हेर्न सक्नेछन् ।
यसैगरी, विक्री प्रबन्धक सानिमा क्यापिटलको वेबसाइट र सुपर मादी हाइड्रोपावरको वेबसाइटबाट पनि नतिजा हेर्न सकिने छ । यद्यपि, भर्खरै मात्र आइपीओ बाँडफाँड भएकाले नतिजा आउन केही समय लाग्ने जनाइएको छ ।
