काठमाडौं । नेपाल स्टक एक्स्चेन्ज (नेप्से)ले दुई कम्पनीको सेयर मूल्य समायोजन गरेको छ । नेप्सेले रिडी पावर र अरुण भ्याली हाइड्रोपावरको सेयर मूल्य समायोजन गरेको हो ।
दुवै कम्पनीको साधारण सभा तथा लाभांश वितरण प्रयोजनार्थ बुकक्लोज गरेसँगै नेप्सेले सेयर मूल्य समायोजन गरी नयाँ मूल्य निर्धारण गरेको हो।
रिडीले गत आव २०७८/७९ को नाफाबाट वितरण गर्ने ४० प्रतिशत बोनसपछि मूल्य समायोजन भएको हो । नेप्सेका अनुसार समायोजनपछि रिडीको नयाँ सेयरमूल्य ३८५ रुपैयाँ कायम भएको छ ।
त्यसैगरी, अरुण भ्यालीले गत वर्षको नाफाबाट वितरण गर्ने ८ प्रतिशत बोनस सेयरका आधारमा मूल्य समायोजन भएको हो । समायोजनपछि अरुणको सेयर मूल्य ३०८.३३ रुपैयाँ निर्धारण भएको छ ।
यही समायोजित मूल्यका आधारमा बुधबार दुवै कम्पनीको दोस्रो बजारमा सेयर कारोबार खुल्नेछ।
