काठमाडौं । नेपाल स्टक एक्स्चेन्ज (नेप्से)मा सूचीकृत ३ कम्पनीको लाभांश सुरक्षित गर्ने आज अन्तिम दिन रहेको छ । रिडी पावर, अरुण भ्याली हाइड्रोपावर र तारागाउँ रिजेन्सी होटलको लाभांश पाउन सेयर किन्ने आज अन्तिम दिन हो ।
तीनै कम्पनीले साधरण सभा प्रयोजनका लागि भोलि (माघ १८ गते) गते बुकक्लोज तोकेको छन् । सो अनुसार आजसम्म कायम रहने सेयरधनी मात्र ती कम्पनीको लाभांश पाउने छन् ।
रिडी पावरले गत आर्थिक वर्ष २०७८/७९ को मुनाफाबाट ४० प्रतिशत बोनस सेयर र कर तिर्न २.१ प्रतिशत नगद गरी ४२.१ प्रतिशत लाभांश प्रस्ताव गरेको छ ।
त्यसैगरी, तारागाउँ होटलले गत आर्थिक वर्षको मुनाफाबाट कर प्रयोजनसहित ८.४२ प्रतिशत नगद लाभांश प्रस्ताव गरेको छ ।
त्यस्तै, अरुण भ्याली हाइड्रोपावरले गत आर्थिक वर्षको मुनाफाबाट ८ प्रतिशत बोनस सेयर र कर प्रयोजनका लागि ०.४२ प्रतिशत नगद गरी कुल ८.४२ प्रतिशत नगद लाभांश प्रस्ताव गरेको छ ।
तीनै कम्पनीको साधरण सभाले पारित गरेपछि सेयरधनीले उक्त लाभांश पाउने छन् ।
