काठमाडौं । तिहारमा झिलिमिली बत्तीको प्रचलन बढ्दै गर्दा परम्परागत माटोको दियोको प्रयोग घट्दै गएको छ । तर, पछिल्लो समय बजारमा आएका नयाँ नयाँ डिजाइनका माटोका दियोले भने यसको प्रयोग बढाएको छ ।
नेपालमा बनेका सादा दियोको तुलनामा भारतको कलकत्ताबाट ल्याइएका विभिन्न डिजाइनले भरिएका दियोहरुले बजार लिन थालेका हुन् ।
असनका बजारमा माटोका सादा दियो ४० रुपैयाँ दर्जनदेखि प्रतिदियो २ सय रुपैयाँसम्मका रहेका छन् ।विस्तारै सेलाउँदै गएको माटोको दियोको आकर्षण यस्ता बुट्टा भएका दियोले बढाएको छ ।
चालू आर्थिक वर्षको दुई महिनामा ६५ लाखको माटोका दियोलगायतका सामान आयात भएको छ ।
