काठमाडौं । नेपाल राष्ट्र बैंकले चालु आर्थिक वर्षको मौद्रिक नीतिको अर्धवार्षिक समीक्षाको तयारीमा जुटेको छ । यसैक्रममा, राष्ट्र बैंकले मौद्रिक समीक्षामार्फत सम्बोधन गर्नुपर्ने विषयहरु समावेश गर्न सरोकारवालासँग राय/सुझाव माग गरेको छ ।
राष्ट्र बैंकले सोमबार एक सूचना जारी गर्दै सरोकारवालासँग राय/सुझव माग गरेको हो । नेपाल राष्ट्र बैंक ऐन २०५८ मा भएको व्यवस्थाअनुसार बैंकले आर्थिक वर्ष २०७९/८० को मौद्रिक नीतिको अर्धवार्षिक समीक्षाका लागि सम्बन्धित सरोकारवालासँग राय/सुझाव माग गरेको हो ।
राय/सुझाव राष्ट्र बैंकको अनुसन्धान विभागको इमेल ठेगानामा माघ २० गतेसम्म पेश गर्न सकिने बैंकको आर्थिक अनुसन्धान विभागले जनाएको छ ।
बैंकको आर्थिक अनुसन्धान विभागको इमेल ठेगाना [email protected] मा सुझाव तथा राय पठाउन सकिने छ ।
