काठमाडौं । नेपाल राष्ट्र बैंकले मर्जर प्रक्रियामा रहेका ४ वाणिज्यलाई मर्जरका लागि अन्तिम स्वीकृति दिएको छ ।
राष्ट्र बैंक सञ्चालक समितिको बिहीबार बसेको बैठकले ग्लोबल आइएमई बैंक र बैंक अफ काठमाण्डू तथा नेपाल इन्भेष्टमेन्ट बैंक र मेगा बैंकलाई मर्जरको लागि अन्तिम स्वीकृति दिएको हो ।
राष्ट्र बैंकबाट अन्तिम स्वीकृति पाएसँगै कम्पनी रजिष्ट्रारको कार्यालयबाट स्वीकृति पाएपछि दुवै बैंकले एकीकृत कारोबार गर्नेछ ।
मर्जर प्रक्रियामा रहेका चार वटै बैंकले साधरण सभाबाट मर्जर सम्बन्धी प्रस्ताव पारित गरिसकेका छन् । राष्ट्र बैंकले दिएको छुट सुविधा पाउन यी बैंक्ले पुसभित्रै एकीकृत काराबार गर्ने तयारी समेत गरेका छन् ।
ग्लोबल आईएमई र बैंक अफ काठमाण्डूले पुस २५ गतेदेखि एकीकृत कारोबार गर्ने घोषणा गरिसकेका छन् भने मेगा र इन्भेष्टमेन्टले मिति घोषणा गरेका छैनन् ।
