काठमाडौं । कुमारी बैंक र एनसीसीबैंकको एकीकृत कारोबार सुरु भएको छ । कुमारीले एनसीसीलाई गाभेर आजदेखि एकीकृत कारोबार सुरु गरेको हो ।
दुई बैंक बीच मर्जर सम्पन्न भई कुमारी बैंकको नामबाट एकीकृत कारोबार सुरु भएको हो । मर्जरपछि बैंकको प्रमुख कार्यकारी अधिकृत रमेशराज अर्याल बनेका छन् । उनी यसअघि एनसीसी बैंकका प्रमुख कार्यकारी थिए।
नयाँ बैंकको चुक्ता पूँजी २६ अर्ब २३ करोड पुगेको छ । जगेडा कोषसहित बैंकको पूँजीकोष ३७ अर्ब ६५ करोड पुगेको छ । बैंकको निक्षेप ३ खर्ब ११ अर्ब ३४ करोड निक्षेप हुनेछ भने कर्जा २ खर्ब ७४ अर्ब ५५ करोड पुगेको छ ।
