काठमाडौं । घलेम्दी हाइड्रो लिमिटेडले हाल कायम चुक्ता पूँजीको २०० प्रतिशत हकप्रद सेयर निष्काशन गर्ने भएको छ । पुस ८ गते बसेको सञ्चालक समितिको बैठकले उक्त निर्णय गरेको हो ।
कम्पनीले सांग्रिला ऊर्जा प्रालिद्वारा प्रबद्र्धित संखुवासभामा रहेको छुजुङ्ग खोला जलविद्युत् आयेजनामा कम्तीमा ५१ प्रतिशत सेयर कायम हुनेगरी लगानी गर्न १:२ अनुपातमा हकप्रद सेयर निष्काशन गर्न लागेको हो।
बैठकले हकप्रद निष्काशन गर्न विद्युत नियमन आयोगमा आवेदन दिने र अनुमति प्राप्त भएपछि आगामी वार्षिक साधारण सभाबाट अनुमोदन गराउने निर्णय गरेको छ ।
साधरण सभाले पारित र आयोगको स्वीकृतिपछि कम्पनीले धितोपत्र बोर्डमा आवेदन दिनेछ । बोर्डको अनुमतिपछि हकप्रद प्रक्रिया अघि बढ्ने छ ।
