काठमाडौं । प्रिमियर इन्स्योरेन्सको लाभांश परिमार्जन भएको छ । नियामक निकाय नेपाल बीमा प्राधिकरणको निर्देशन अनुसार कम्पनीको लाभांशदर परिमार्जन भएको हो ।
परिमार्जित लाभांश अनुसार अब कम्पनीले १४.२५ प्रतिशत बोनस सेयर र कर प्रयोजनका लागि ०.७५ प्रतिशत नगद गरी कुल १५ प्रतिशत लाभांश दिने भएको छ ।
यसअघि कात्तिक २९ गते बसेको कम्पनी संचालक समितिको बैठकले आव २०७८/७९ को मुनाफाबाट ५ प्रतिशत बोनस सेयर र १० प्रतिशत नगद लाभांश दिने घोषणा गरेको थियो ।
