काठमाडौं । सेयर बजारमा लगातार गिरावट आएको छ । मंलबारदेखि ओरालो लागेको नेप्से आज दोहोरो अंकले घटेको हो ।
सूचकमा गिरावट आए पनि आज कारोबार रकममा भने सुधार आएको छ । अघिल्लो दिनको तुलनामा कारोबार रकम ४७ करोडले बढेर १ अर्ब नाघेको छ ।
बिहीबार नेप्से १४.४८ अंकले घटेर १८८२.६० विन्दुमा आइपुगेको छ । यसदिन २५४ कम्पनीको १ अर्ब १९ करोड रुपैयाँ बढीको ४८ लाख ४ हजार २७९ कित्ता सेयर किनबेच भएको छ ।
आज कारोबारमा आएका १३ वटै उपसमूहको परिस्चक राताम्मे भएको छ । फाइनान्स उपसमूह सबैभन्दा धेरै १.४९ प्रतिशतले घटेको छ ।
आज एनसीसी बैंकको प्रमोटर सेयर सर्वाधिक कारोबार भएको छ । यसको झन्डै २३ करोड रुपैयाँको सेयर किनबेच भएको छ । त्यस्तै, शिवम् सिमेन्ट ९ करोड र सीवाइसी लघुवित्त ६ करोड बढीको कारोबार हुँदै शीर्ष तीनमा रहे ।
दोहोरो अंकले घटेको बजारमा आज दुई कम्पनीको सेयर मूल्यमा भने पोजेटिभ सर्किट लागेको छ । इस्टर्न हाइड्रोपावर र रुरु जलविद्युतका सेयरधनीले करिब १० प्रतिशत कमाएका छन् ।
