काठमाडौं। वाणिज्य बैंकले बैंकहरुले आगामी चैतदेखि स्प्रेडदर (निक्षेपमा दिने र ऋणमा दिने ब्याजको अन्तर) ४.२ प्रतिशतमा झानुपर्ने भएको छ ।
नेपाल राष्ट्र बैंकले बुधबार चालु वर्षको मौद्रिक नीतिको पहिलो समीक्षामा घोषणा गरिएको व्यवस्था लागू गर्न एकीकृत निर्देशन जारी गर्दै यस्तो व्यवस्था गरेको हो ।
राष्ट्र बैंकले मौद्रिक नीति समीक्षा मार्फत वाणिज्य बैंकहरुको स्प्रेडडर ०.४ प्रतिशत घटाउने घोषणा गरेको थियो । राष्ट्र बैंकका अनुसार हाल ४.४ प्रतिशत रहेको वाणिज्य बैंकहरुको स्प्रेडदर चैतदेखि ४.२ प्रतिशत र २०८० असार मसान्तदेखि ४ प्रतिशतमा झानुपर्नेछ ।
त्यसैगरी, विकास बैंक र फाइनान्स कम्पनीहरुले चैतदेखि ४.८ प्रतिशत र असारबाट ४.६ प्रतिशतमा झार्नु पर्ने छ। अहिले विकास बैंक र फाइनान्स कम्पनीको स्प्रेडदर ५ प्रतिशत रहेको छ ।
यस्तै, बैंकहरुले २०८३ असार मसान्तसम्म तोकिएको क्षेत्रमा न्यूनतम १५ प्रतिशत कर्जा प्रवाह गर्नुपर्नेछ । राष्ट्र बैंकका अनुसार कर्जा लघु, घरेलु, साना एवम् मझौला उद्यमका क्षेत्रमा (रु. १ करोडभन्दा कम रकमका कर्जा तथा प्रत्यक्ष रुपमा प्रवाह भएका विपन्न वर्ग कर्जासमेत) क्षेत्रमा कम्तीमा १५ प्रतिशत कर्जा प्रवाह गर्नुपर्नेछ ।
