काठमाडौं । काठमाडौं उपत्यका ट्राफिक प्रहरी कार्यालयले २६ जनाको सवारी चालक अनुमति पत्रहरू निलम्बनका लागि यातायात व्यवस्था विभाग मिनभवन पठाएको छ ।
प्रहरी कार्यालयले बुधबार सवारी तथा यातायात व्यवस्था ऐन २०४९ र नियमावली २०५४ बमोजिम चालकले पालना गर्नु पर्ने सर्त तथा नियमहरू पाँच (५) पटकभन्दा बढी उल्लंघन गरेको पाइएकोले सोही ऐनको परिच्छेद ४ को दफा ६० बमोजिम सवारी चालक अनुमति पत्र निलम्बनका लागि यातायात व्यवस्था विभाग पठाइएको हो ।
निलम्बनका लागि पठाइएका मध्ये एक जना चालकले ३८ पटक सम्म सवारी तथा यातायात व्यवस्था ऐनको दफा १६४ को उपदफा १ बमोजिम कसुर गरेको पाइएको काठमाडौँ उपत्यका ट्राफिक प्रहरी कार्यालय रामशाहपथका सह(प्रवक्ता अवदेश बिष्ट क्षेत्रीले बताए ।
