काठमाडौं । मेगा बैंक नेपालको लाभांश सुरक्षित गर्ने आज अन्तिम दिन रहेको छ ।
बैंकले साधरण सभा प्रयोजनका लागि मंसिर २३ गते बुकक्लोज तोकेको छ । भोलि धान्य पूर्णिमा/उभौली पर्व कारण सार्वजनिक बिदा रहेकाले आजसम्म कायम रहने सेयरधनी मात्र कम्पनीको लाभांश पाउने छन् ।
कम्पनीले आर्थिक वर्ष गत २०७८/७९ को मुनाफाबाट ४ प्रतिशत बोनस सेयर र कर प्रयोजनसहित ३.७९ प्रतिशत नगद गरी कुल ७.७९ प्रतिशत लाभांश प्रस्ताव गरेको छ ।
बैंकले सो लाभांश पारित गर्न पुस ७ गते १२ औं वार्षिक साधारण सभा बोलाएको हो । बैंकको सभा राष्ट्रिय सभागृह काठमाडौंमा बिहान १० बजे सुरु हुनेछ ।
बैंकको साधरण सभाले पारित गरेपछि सेयरधनीले उक्त लाभांश पाउने छन् ।
