काठमाडौं । सेयर बजारमा झिनो गिरावट आएको छ । मंगलबार करिब ३ अंकले बढेको नेप्से आज ३ अंकले नै घटेको हो ।
सूचकसँगै कारोबार रकममा पनि गिरावट आएको छ । अघिल्लो दिनको तुलनामा कारोबार रकम ११ करोडले घटेर ८४ करोडमा सीमित भएको छ ।
बुधबार नेप्से ३.५१ अंकले बढेर १९४९.८५ विन्दुमा आइपुगेको छ । यसदिन २३८ कम्पनीको ८४ करोड २६ लाख रुपैयाँ बढीको २३ लाख ५५ हजार ८४५ कित्ता सेयर किनबेच भएको छ ।
आज कारोबारमा आएका १३ वटा उपसमूहमध्ये सामूहिक लगानी कोष र व्यापार बाहेक बाँकी सबै उपसमूहको परिसूचक घटेको छ । फाइनान्स समूह सबैभन्दा धेरै १.०९ प्रतिशतले घटेको छ ।
आज पनि हिमालयन डिस्ट्रीलरीको सर्वाधिक कारोबार भएको छ । यसको पौने ५ करोड रुपैयाँ बढीकोे सेयर किनबेच भएको छ । त्यस्तै, नबिल बैंक ४ करोड र नेष्डो लघुवित्त साढे ३ करोड बढीको कारोबार हुँदै शीर्ष तीनमा रहे ।
न्यून अंकले बढेको बजारमा आज ग्रीन लाइफ हाइड्रोपावरका सेयरधनीले सबैभन्दा धेरै ४.१७ प्रतिशत कमाएका छन् । त्यस्तै, किसान लघुवित्त ४ प्रतिशत, रुरु जलविद्युत् ३.३१ प्रतिशत, बुद्धभूमि नेपाल र श्वेत गंगा हाइड्रोपावरको सेयर मूल्य साढे २ प्रतिशतले घटेको छ ।
