काठमाडौं । प्रभु बैंकले गत आर्थिक वर्ष २०७८/७९ को मुनाफाबाट घोषणा गरेको ८ प्रतिशत लाभांश नेपाल राष्ट्र बैंकले स्वीकृत गरेको छ । प्रस्तावित लाभांश राष्ट्र बैंकले सोमबार स्वीकृत गरेको प्रभु बैंकले जनाएको छ ।
प्रभुको मंसिर १ गते बसेको सञ्चालक समितिले गत आवको नाफाबाट ६.५ प्रतिशत बोनस सेयर र कर प्रयोजनसहित १.५ प्रतिशत नगद गरी कुल ८ प्रतिशत लाभांश घोषणा गरेको थियो ।
उक्त लाभांश अब बैंकको साधारण सभाले पारित गरेपछि सेयरधनीले पाउने छन् । बैंकले सभाको मिति भने अझै तोकेको छैन ।
