काठमाडौं । चिनियाँ वायुसेवा प्रदायक कम्पनी चाइना साउदर्नले फेरि काठमाडौंमा नेपालमा नियमित उडान गर्ने भएको छ ।
एयरलाइन्सले मंगलबारदेखि ग्वाङझाउ–काठमाडौं–ग्वाङझाउ रुटमा नियमित उडान गर्ने भएको हो ।
यो रुटमा सुरुमा ‘प्वाइन्ट टू प्वाइन्ट’ प्यासेन्जर मात्र बोक्ने र तत्काल ट्रान्जिट उडानका यात्रु नबोक्ने कम्पनीले जनाएको छ ।
एयरलाइन्सका अनुसार काठमाडौंमा दिउँसो १ः२५ बजे अवतरण गर्ने जहाज काठमाडौंबाट भने २ः४० बजे ग्वाङझाउका लागि उड्ने छ ।
कम्पनीले १ वर्षपछि पुनः यो रुटमा उडान सुरु गर्न लागेको हो ।
