काठमाडौं । नेपाल इन्भेष्टमेन्ट बैंकले गत वर्षको नाफाबाट घोषणा गरेको लाभांश प्रस्ताव पारित गर्न साधारण सभा डाकेको छ । बैंकले पुस ७ गते ३६ औं वार्षिक साधारण सभा बोलाएको हो ।
बैंकले सभामा गत वर्षको नाफाबाट घोषणा गरेको ४ प्रतिशत बोनस सेयर र ७ प्रतिशत नगद गरी ११ प्रतिशत लाभांश पारित गर्ने प्रस्ताव मुख्य एजेन्डाको रुपमा लैजाने भएको छ ।
साधारण सभा प्रयोजनका लागि बैंकले मंसिर २१ गते बुकक्लोज तोकेको छ । सो अनुसार मंसिर २० गतेसम्म नेप्सेमा कारोबार भइ कायम रहेका सेयरधनीले प्रस्तावित लाभांश र सभामा भाग लिन पाउने छन् ।
