काठमाडौं । सिभिल बैंकको सेयर मूल्यमा पोजेटिभ सर्किट लागेको छ । झन्डै ५ महिनापछि आजदेखि कारोबारमा आएको बैंकको सेयर मूल्य ठ्याक्कै १० प्रतिशतले बढेकोे हो ।
२१७.२० रुपैयाँमा कारोबार खुलेको बैंकको सेयर मूल्य प्रतिकित्ता २१.३० रुपैयाँ अर्थात् ठ्याक्कै १० प्रतिशतले बढेर २३४.३ रुपैयाँ पुगेको छ ।
हिमालयन बैंकसँग मर्जर प्रक्रियामा रहेको सिभिलले सम्मानजनक स्वाप रेसियो पाएपछि लगानीकर्ता आकर्षित हुँदा सेयर मूल्यमा पोजेटिभ सर्किट लागेको हो । हिमालयनसँग सिभिल १००ः८१ सेयर अनुपातमा गाभिन लागेको हो ।
कारोबार खुलेको १५ मिनेट (११:१५ बजे)सम्म बैंकको १० हजार बढी कित्ता कारोबार भएको छ भने १ लाख २६ हजार बढी कित्ता खरिदका लागि माग भएको छ ।
बैंकको सर्वसाधरण सेयर कारोबार खुले पनि अझै प्रमोटर सेयर भने कारोबार रोक्का छ । हिमालयन र सिभिल बीच गत असार २२ गते मर्जर सम्बन्धी सम्झौता भएको थियो ।
