Advertisement Section

नेपाल पुनर्बीमा कम्पनीको नाफामा सुधार, यस्तो छ वित्तीय अवस्था

Advertisement Section

काठमाडौं । नेपाल पुनर्बीमा कम्पनीको नाफामा सुधार आएको छ । कम्पनीले शुक्रबार सार्वजनिक गरेको गत आर्थिक वर्ष २०७८/७९ को चौथो त्रैमासको अपरिष्कृत वित्तीय विवरण अनुसार खुद नाफा १०.४५ प्रतिशतले बढेकोे छ ।

कम्पनीले गत असार मसान्तसम्म जीवन र निर्जीवन बीमा व्यवसायबाट कुल ६७ करोड ३८ लाख ७८ रुपैयाँ नाफा आर्जन गरेको छ । जबकी अघिल्लो वर्षको सोही अवधिमा कम्पनीले ६१ करोड १ लाख १८ हजार रुपैयाँ नाफा कमाएको थियो ।

समीक्षा अवधिमा कम्पनीको र्निजीवन बीमा व्यवसाय तर्फको नाफा घटेको छ भने जीवन तर्फको झन्डै ३ गुणाले बढेको छ । समीक्षा अवधिमा कम्पनीले जीवन बीमा व्यवसायतर्फ १० करोड ८८ लाख रुपैयाँ नाफा कमाएको छ । अघिल्लो वर्ष जीवनतर्फ ३ करोड ४७ लाख नाफा कमाएको थियो ।

यस्तै, निर्जीवन बीमातर्फ भने कम्पनीको नाफा १ करोड ३ लाख रुपैयाँ घटेको छ । गत असारसम्म कम्पनीले निर्जीवन बीमातर्फ ५६ करोड ५० लाख रुपैयाँ नाफा कमाएको छ । जबकी अघिल्लो वर्षकोा सोही अवधिमा ५७ करोड ५३ लाख रुपैयाँ कमाएको छ ।

गत असार मसान्तसम्म कम्पनीले निर्जीवन व्यवसायबाट ८ अर्ब ८७ करोड रुपैयाँ र जीवन बीमा व्यवसायबाट १ अर्ब ८८ करोड रुपैयाँ खुद बीमा शुल्क संकलन गरेको छ ।

हाल ११ अर्ब ६५ करोड रुपैयाँ चुक्ता पूँजी रहेको कम्पनीको कुल ६ अर्ब ८२ करोड रुपैयाँ संचिति छ । जसमा निर्जीवनतर्फको जगेडा कोषमा ६ अर्ब १३ करोड रुपैयाँ र जीवन बीमातर्फ ६९ करोड ७६ लाख रुपैयाँ छ ।

कम्पनीको निर्जीवन बीमा कोषमा २८ करोड ४७ लाख रुपैयाँ रहेको छ भने जीवन बीमा कोषको विवरण भने वित्तीय विवरणमा उल्लेख छैन ।

समीक्षा अवधिमा कम्पनीको प्रतिसेयर आम्दानी वार्षिक ५.७८ रुपैयाँ र प्रतिसेयर नेटवर्थ १६१.०५ रुपैयाँ रहेको छ ।

हुन्डाईका विद्युतीय गाडी किन्न ग्लोबल आइएमई बैंकले सहुलियत ब्याजमा ऋण दिने Read Previous

हुन्डाईका विद्युतीय गाडी किन्न ग्लोबल आइएमई बैंकले सहुलियत ब्याजमा ऋण दिने

चुनावका लागि बाहिरिने सवारी साधन बढे, टिकट काट्नेभन्दा रिजर्भ गर्ने बढी Read Next

चुनावका लागि बाहिरिने सवारी साधन बढे, टिकट काट्नेभन्दा रिजर्भ गर्ने बढी