आरएमसी फुड्सको ‘न्यूट्रिप्लस’ खानेतेल बजारमा

काठमाडौं । आरएमसी फुड्सद्वारा ‘न्यूट्रिप्लस’ ब्राण्डअन्तर्गत विभिन्न प्रकारका खाद्यान्न तेलहरू बजारमा उपलब्ध हुन थालेका छन् ।

‘न्यूट्रिप्लस’ नामअन्तर्गत बजारमा पहिलो पटक आफ्ना खाद्यान्न तेलका उत्पादनहरू सार्वजनिक गर्ने क्रममा आरएमसी फुड्सले ‘न्यूट्रिप्लस’ सूर्यमूखी, सोयाबिन र पालमोलिन गरी तीन प्रकारका तेलहरू सार्वजनिक गरेको हो ।

आरएमसी ग्रुपले विगत ३० वर्षदेखि निर्माण सामाग्रीहरूको उत्पादन तथा आपूर्ती गर्दै आइरहेको छ । हामी भविष्यका निर्माता हौँ र हरेक जनमानसको सहज जीवनका सर्जक पनि हौँ भन्ने मूल मन्त्रसहित देशको अर्थतन्त्रमा महत्वपूर्ण भुमिका निभाउँदै आएको आरएमसी ग्रुपले सरोकारवाला र सेवाग्राहीहरूबाट अटुट लगाव र विश्वास प्राप्त गर्दै आइरहेको छ ।

यही भरोसाको पूँजीले नै संस्थालाई खाद्यान्न क्षेत्रमा पनि गुणस्तरीय उत्पादनहरूको आपूर्ती गर्नुपर्छ भन्ने आत्मविश्वास पलाएको र आरएमसी फुड्स सञ्चालनमा ल्याउन प्रेरणा मिलेको कम्पनीले बताएको छ ।

कम्पनीले आफ्ना खाद्यान्न उत्पादनहरूको ब्राण्ड एम्बेसेडरका रूपमा प्रख्यात टेलिभिजन कार्यक्रम बीबीसी मास्टर सेफका फाइनालिस्ट सेफ सन्तोष साहलाई अनुबन्ध गरेको छ ।

आफ्ना उत्पादनहरूका बारेमा कम्पनीका कार्यकारी निर्देशक राजेश कुमार अग्रवालले भने, ‘गुणस्तरीय खाद्यान्न उत्पादनहरू आपूर्ति गरी ग्राहकहरूको मन जित्ने हाम्रो मूल उद्देश्य रहेको छ । यस कार्यमा यहाँहरूको साथ, सहयोग र सहकार्य यसैगरी मिल्दै गयो भने शीघ्र नै न्यूट्रिप्लस प्रत्येक घरघरमा र सबैको मनमनमा बस्न सफल हुनेछ भन्ने विश्वास हामीले लिएका छौँ ।’

आगामी दिनहरूमा न्यूट्रिप्लसलाई अझ बृहत्तर आकार दिन र बजारको मागलाई पूरा गर्नका निम्ति थप उत्पादनहरू ल्याउँदै जाने पनि कम्पनीले जनाएको छ ।

मन्दीका बाबजूद अमेरिकी खुद्रा व्यापारमा सुधार, कारको विक्री बढ्यो Read Previous

मन्दीका बाबजूद अमेरिकी खुद्रा व्यापारमा सुधार, कारको विक्री बढ्यो

आजदेखि जनकपुर-जयनगर रेल सेवा बन्द Read Next

आजदेखि जनकपुर-जयनगर रेल सेवा बन्द