काठमाडौं । सेयर बजारमा दोहोरो अंकको वृद्धि भएको छ । मंगलबार ६ अंकले घटेको नेप्से आज दोहोरो अंकले बढेको हो ।
सूचकमा सुधार आए पनि कारोबार रकममा भने गिरावट आएको छ । अघिल्लो दिनको तुलनामा कारोबार रकम १७ करोडले घटेर पौने अर्बमा सीमित भएको छ ।
बुधबार नेप्से १३.४० अंकले बढेर १९११.२६ विन्दुमा पुगेको छ । यसदिन २३२ कम्पनीको ८५ करोड ९४ लाख रुपैयाँ बढीको २४ लाख ९५ हजार ६१२ कित्ता सेयर किनबेच भएको छ ।
आज कारोबारमा आएका १३ वटा उपसमूहमध्ये म्युचुअल फण्ड र व्यापार बाहेक अरु सबै समूहको परिसूचकमा हरियाली छाएको छ । विकास बैंक समूह सबैभन्दा धेरै १.२७ प्रतिशतले बढेको छ ।
आज रिडी पावरको सर्वाधिक कारोबार भएको छ । यसको ६ करोड रुपैयाँ बढीकोे सेयर किनबेच भएको छ । त्यस्तै, हिमालयन डिस्ट्रीलरी ४ करोड र नेपाल लाइफ इन्स्योरेन्स पौने ४ करोड बढीको कारोबार हुँदै शीर्ष तीनमा रहे ।
दोहोरो अंकले बढेको बजारमा आज सिक्लेस हाइड्रोपावरको सेयर मूल्यमा पोजेटिभ सर्किट लागेको छ । यसका सेयरधनीले ठ्याक्कै १० प्रतिशत कमाएका छन् ।
त्यसैगरी, गणपति लघुवित्त ७.७१, नारायणी विकास बैंक ५.५३, रिडी पावर ५.४४, तेह्रथुम पावर ४.६५ र युनाइटेड मोदीको सेयरमूल्य ४ प्रतिशतले बढेको छ ।
