काठमाडौं । युनिलिभर नेपालले गत वर्षको नाफाबाट घोषणा गरेको लाभांश प्रस्ताव पारित गर्न साधारण सभा डाकेको छ ।
कम्पनीले मंसिर २० गते २९ औं वार्षिक साधारण सभा बोलाएको हो । कम्पनीको सभा एभरेष्ट होटल, नयाँबानेश्वर, काठमाडौंमा हुनेछ ।
युनिलिभरले सभामा गत वर्षको नाफाबाट घोषणा गरेको १२१५ प्रतिशत नगद लाभांश पारित गर्ने प्रस्ताव मुख्य एजेन्डाको रुपमा लैजाने भएको छ ।
यसैगरी, कम्पनीले सभामा आर्थिक वर्ष २०७८/७९ को वासलात, नाफा–नोक्सान हिसाब, लेखापरीक्षक नियुक्त गर्ने लगायतका प्रस्तावहरु लैजाने भएको छ ।
साधारण सभा प्रयोजनका लागि कम्पनीले कात्तिक गते बुकक्लोज तोकेको छ । सो अनुसार कात्तिक १७ गतेसम्म नेप्सेमा कारोबार भइ कायम रहेका सेयरधनीले प्रस्तावित लाभांश र सभामा भाग लिन पाउने छन् ।
