काठमाडौं । सोमबार दोहोरो अंकले घटेको बजारमा आज सुधार देखिएको छ । बजार हरियाली छाउँदा सूचक र कारोबार रकम दुवैमा सुधार देखिएको छ । मंगलबार सूचक ५ अंकले बढेको छ भने कारोबार रकम मा सामान्य बढोत्तरी आएको छ । समग्र बजार पूँजीकरण साढे १४ अर्ब पुगेको छ ।
सेयर बजार मापक सूचक नेप्से ५.०८ अंकले बढेर ११४२.०४ विन्दुमा पुगेको छ । आज १५१ कम्पनीको २२ करोड २४ लाख ५२ हजार ७८ रुपैयाँको कारोबार भएको छ । ७ लाख ६५ हजार ८९७ कित्ता सेयर किन बेच भएका छन् ।
आज कारोबार भएका १५१ कम्पनीमध्ये ८६ कम्पनीको सेयर मूल्य बढेको छ । ४१ कम्पनीको सेयर मूल्य घटेको छ भने २४ कम्पनीको मूल्य स्थिर रहेको छ ।
कारोबार भएका १२ वटा समूहमध्येमा १० वटा समूहको सूचक उकालो लागेका छन् भने २ वटा समूहको सूचक स्थिर रहेका छन् । आज जीवन बीमा सूचक सबैभन्दा धेरै ३१.१५ अंकले बढेको छ । वाणिज्य बैंक समूह पनि ४.५२ अंकले बढेको छ ।
कारोबार रकमको आधारमा सिद्धार्थ बैंकको सेयर शीर्ष स्थानमा रह्यो । यसको ४ करोड ७ लाख ७४ हजार २५६ रुपैयाँको कारोबार भएको छ ।
कारोबारकै आधारमा एसियन लाईफको प्रमोटर सेयर र प्रभु बैंकको सेयर क्रमशः दोस्रो र तेस्रोमा रहेका छन् । एसियनको ३ करोड ६९ लाख र प्रभुको १ करोड ६६ लाख रुपैयाँभन्दा बढीको सेयर खरिद–बिक्री भएको छ ।
आज आरएमडीसी लघुवित्त कम्पनीको सेयर मूल्य सबैभन्दा धेरै ५.९३ प्रतिशतले बढेको छ भने सिटी एक्सप्रेस फाइनान्स कम्पनीको सेयर मूल्य सबैभन्दा धेरै ५.८८ प्रतिशतले घटेको छ ।
