काठमाडौं । नेष्डो समृद्धि लघुवित्त वित्तीय संस्थाको खुद नाफामा सामान्य सुधार आएको छ । लघुवित्तले बुधबार सार्वजनिक गरेको चालु आर्थिक वर्षको पहिलो त्रैमासको अपरिष्कृत वित्तीय विवरण अनुसार खुद नाफा ११.३० प्रतिशतले बढेको छ ।
लघुवित्तले चालु आवको असोज मसान्तसम्ममा ५ करोड ६४ लाख रुपैयाँ खुद नाफा कमाएको छ । यो गत वर्षको सोही अवधिको तुलनामा ५७ लाख रुपैयाँ बढी हो । लघुवित्तले गत वर्षको पहिलो त्रैमासमा ५ करोड ७ लाख खुद नाफा कमाएको थियो ।
खुद ब्याज आम्दानी र सञ्चालन नाफा बढेसँगै लघुवित्तको नाफामा सुधार आएको हो । समीक्षा अवधिमा लघुवित्तको खुद ब्याज आम्दानी १०.५३ प्रतिशत बढेर ९ करोड ९८ लाख रुपैयाँ पुगेको छ । त्यस्तै, सञ्चालन नाफा ११.३० प्रतिशतले बढेर ८ करोड ९६ लाख रुपैयाँ पुगेको छ ।
हाल २५ करोड ५० लाख रुपैयाँ चुक्ता पूँजी रहेको लघुवित्तको जगेडा कोषमा ६३ करोड ७ लाख रुपैयाँ संचित छ ।
समीक्षा अवधिमा लघुवित्तको प्रतिसेयर आम्दानी ८८.५६ रुपैयाँ, प्रतिसेयर नेटवर्थ ३४७.३५ रुपैयाँ, मूल्य आम्दानी अनुपात ३१.६१ गुणा र खराब कर्जा ४.४१ प्रतिशत रहेको छ ।
