काठमाडौं । ग्लोबल आइएमई बैंक लिमिटेडको ५ अर्ब रुपैयाँ बराबरको ऋणपत्रको निष्काशन गर्ने भएको छ । बैंकले ऋणपत्र निष्काशनका लागि विक्री प्रबन्धकमा सनराइज क्यापिटल लिमिटेड नियुक्त गरेको छ ।
विक्री प्रबन्धक नियुक्तिसम्बन्धी सम्झौतापत्रमा ग्लोबल आइएमई बैंकका तर्फबाट प्रमुख कार्यकारी अधिकृत रत्नराज बज्राचार्य र सनराइज क्यापिटलका तर्फबाट प्रमुख कार्यकारी अधिकृत विजयलाल श्रेष्ठले हस्ताक्षर गरेका छन् ।
बैंकले ‘ग्लोबल आइएमई डिबेन्चर २०८४/८५’ जारी गर्नेछ । यो ऋणपत्र ५ वर्षे अवधिको हो । यसमा लगानीकर्ताहरुले वार्षिक ११.२५ प्रतिशत ब्याज पाउनेछन् ।
