काठमाडौं । भारतबाट पेट्रोलियम पद्धार्थको मूल्य बढेर आएको छ । भारतीय आयल कर्पोरेसन (आइओसी)ले कात्तिक १५ गते (नोभम्बर १ तारिख) नेपाल आयल निगमलाई पेट्रोलियम पदार्थको भाउ बढाएर नयाँ मूल्यसूची पठाएको हो ।
आइओसीले पठाएको नयाँ मूल्यसूची अनुसार पेट्रोल, डिजेल, हवाई इन्धन, मट्टीतेलको भाउ बढेको छ । भारतबाट पेट्रोल प्रतिलिटर ६० पैसा, डिजेल ५.७६ रुपैयाँ, हवाई इन्धन ५ रुपैयाँ र मट्टीतेलमा ४ रुपैयाँ बढेर आएको छ ।
पेट्रोल, मट्टीतेल र हवाई इन्धनमा भने निगमलाई नाफा छ । समग्रमा आगामी १५ दिनमा निगमलाई समग्रमा ६ करोड करोड नाफा रहने भएको छ ।
पछिल्लो समय अन्तर्राष्ट्रिय बजारमा कच्चा तेलको भाउ आकाशिएसँगै भारतले पनि बढाएर पठाएको हो । आइओसीले हरेक १५/१५ दिनमा निगमलाई नयाँ मूल्य सूची पठाउने गरेको छ ।
