काठमाडौं । एभरेष्ट बैंकले गत वर्षको नाफाबाट सेयरधनी लगानीकर्तालाई आकर्षक लाभांश दिने घोषणा गरेको छ ।
आइतबार बसेको बैंकको सञ्चालक समितिको बैठकले आर्थिक वर्ष २०७५/७६ को नाफाबाट २५ प्रतिशत लाभांश दिने निर्णय गरेको छ ।
बैंकले ५ प्रतिशत बोनस सेयर र कर प्रयोजनको लागि समेत गरी २० प्रतिशत नगद गरी कूल २५ प्रतिशत लाभांश दिने घोषणा गरेको हो ।
नियामक निकाय नेपाल राष्ट्र बैंकले स्वीकृति दिएपछि र बैंकको आगामी वार्षिक साधारण सभाले पारित गरेपछि लगानीकर्ताले उक्त लाभांश पाउने छन् ।
हाल बैंकको चुक्ता पूँजी ८ अर्ब ६ करोड ६८ लाख ६३ हजार ६६९ रुपैयाँ रहेको छ ।
