काठमाडौं । वाणिज्य बैंकहरुमा पछिल्लो एक सातामा ८ अर्ब निक्षेप थपिएको छ । नेपाल बैंकर्स संघको तथ्यांक अनुसार असोज चौथो साता ( असोज २२ देखि २८ गतेसम्म) ८ अर्ब १८ करोड निक्षेप थपिएको हो ।
असोज २१ गतेसम्म बैंकहरुसँग कुल ४५ खर्ब ११ अर्ब रुपैयाँ निक्षेप रहेकोमा २८ गतेसम्म बढेर ४५ खर्ब १९ अर्ब रुपैयाँ पुगेको छ ।
निक्षेप संकलनमा सुधार आए पनि कर्जा लगानी भने न्यून छ । असोजको चौथो सातामा ८ अर्ब निक्षेप संकलन गर्दा बैंकहरुले जम्मा ६२ करोड मात्र कर्जा लगानी गरेका छन् ।
निक्षेपमा सुधार आएसँगै बैंकहरुको सीडी रेसियोमा पनि सुधार आएको छ । असार तेस्रोसाता ८७.०५ प्रतिशत रहेको बैंकहरुको सीडी रेसियो चौथो साता आइपुग्दा ८६.९६ प्रतिशतमा झरेको छ ।
