काठमाडौं । नेपाल पुनर्बीमा कम्पनीले रिरेट्रो प्रोग्रामको लागि १९ पुनर्बीमा ब्रोकर कम्पनी छनोट गरेको छ ।
कम्पनीले चालु आर्थिक वर्ष २०७९/८० को लागि १९ पुनर्बीमा ब्रोकर कम्पनीको सूची सार्वजनिक गरेको हो । कम्पनीले गत वर्ष २६ ब्रोकर छनोट गरेको थियो ।
कम्पनीले सार्वजनिक खरिद ऐन अनुसार ब्रोकर कम्पनीहरु छनोट गरेको छ । कम्पनीले छनोट गरेका अधिकांश पुनर्बीमा ब्रोकरहरु भारतीय कम्पनीहरु रहेका छन् ।
कम्पनीले आफ्नो जोखिमलाई हस्तान्तरण गर्नको लागि नेपाल रिरेट्रो प्रोग्राम अन्तर्गत पुनर्बीमा ब्रोकर कम्पनीहरु छनोट गरेको हो । पुनर्बीमा ब्रोकरले पुनर्बीमा कम्पनी र बीमा कम्पनीसँगको मध्यस्थकर्ताको रूपमा काम गर्दछन् ।