काठमाडौं । हिमालयन बैंकले ऋण पत्रमा आवेदन दिने म्याद थप गरेको छ । बैंकले भदौ १५ गतेदेखि निष्काशन तथा बिक्री खुला गरेको वार्षिक ऋण पत्रमा अब भदौ २९ गतेसम्म आवेदन दिन सकिने भएको हो ।
बैंकले निष्कासन गरेको ‘हिमालयन बैंक लिमिटेड बण्ड २०८६’ को अवधि ७ वर्ष रहेको छ भने १०.५० प्रतिशत ब्याजदर पाइनेछ । बैंकले प्रतिकित्ता १ हजार रुपैयाँ अंकित मूल्यका २ अर्ब ५० करोड रुपैयाँ बराबरको २५ लाख कित्ता ऋणपत्र निष्काशन गरेको हो।
जसमध्ये ४० प्रतिशत अर्थात १ अर्ब रुपैयाँ बराबरको १० लाख कित्ता सर्वसाधारणलाई बाँडफाँट गरिनेछ भने बाँकी ६० प्रतिशत अर्थात १ अर्ब ५० करोड रुपैयाँ बराबरको १५ लाख कित्ता व्यक्तिगत तवरबाट बाँडफाँट गरिने बैंकले जनाएको छ।
बैंकका अनुसार निष्काशन गरिएको ऋणपत्रमध्ये ५ प्रतिशत अर्थात ५० हजार कित्ता ऋणपत्र सामूहिक लगानी कोषहरुका लागि छुट्याइएको छ। उक्त ऋणपत्र खरिद गर्न लगानीकर्ताले न्यूनतम २५ कित्तादेखि अधिकतम २ लाख ५० हजार कित्ताका लागि आवेदन दिन सक्नेछन्।
