काठमाडौं । सेयर बजारमा झिनो गिरावट आएको छ । बजार खुल्ने बित्तिकै १० अंकले बढेको नेप्से अन्त्यमा १ अंकले घटेर बन्द भएको हो ।
शुक्रबार नेप्से १.६७ अंकले घटेर १९७०.६२ विन्दुमा आइपुगेको छ । नेप्सेका अनुसार २१९ कम्पनीको ६९ करोड ८८ लाख ५ हजार ९५० रुपैयाँ बराबरको १८ लाख १ हजार २७३ कित्ता सेयर किनबेच भएको छ ।
आज कारोबारमा आएका १३ वटा उपसमूहमध्ये ३ समूहको परिसूचक बढेको छ भने १० समूहको घटेको छ ।
आज नेपाल टेलिकमको सर्वाधिक कारोबार भएको छ । यसको १० करोड रुपैयाँ बढीको सेयर किनबेच भएको छ । त्यस्तै, नबिल बैंक ४ करोड र अरुण काबेली साढे २ करोडको कारोबार हुँदै शीर्ष तीनमा रहे ।
झिनो अंकले घटेको बजारमा आज दुई कम्पनीको सेयर मूल्यमा भने पोजेटिभ सर्किट लागेको छ । सपोर्ट माइक्रोफाइनान्स र रुरुजलविद्युत्का सेयरधनीले करिब १० प्रतिशत कमाएका छन् ।
