काठमाडौं । अरुण काबेली पावर कम्पनीले हकप्रद सेयर जारी गर्न अनुमति माग्दै नेपाल धितोपत्र बोर्डमा आवेदन दिएको छ ।
कम्पनीले हाल कायम चुक्ता पूँजीको १०० प्रतिशत अर्थात् १:१ सेयर अनुपातमा हकप्रद जारी गर्न अनुमति मागेको हो ।
कम्पनीले प्रतिकित्ता १०० रुपैयाँ दरले १ अर्ब ८५ करोड ५१ लाख रुपैयाँ बराबरको हकप्रद जारी गर्न लागेको हो ।
कम्पनीले यसअघि विद्युत् नियमन आयोगबाट भदौ १२ गते शतप्रतिशत हकप्रद सेयर निष्काशन गर्न अनुमति पाइसकेको छ । अब बोर्डबाट अनुमति पाएपछि कम्पनीले हकप्रद सेयर निष्काशन गर्नेछ ।
हाल १ अर्ब ८५ करोड ५२ लाख रुपैयाँ चुक्ता पूँजी रहेको कम्पनीको हकप्रदपछि ३ अर्ब ७१ करोड रुपैयाँ पुग्नेछ ।
