काठमाडौं । मिर्मिरे लघुवित्त वित्तीय संस्था लिमिटेड र बुद्धज्योति लघुवित्त वित्तीय संस्थाले बुधबारदेखि एकीकृत कारोबार गर्ने भएका छन् ।
आइतबार नेपाल राष्ट्र बैंकको सञ्चालक समितिले सो संस्थाहरुलाई एक्विजीसनपछि एकीकृत कारोबार गर्न अनुमति दिएको हो ।
मिर्मिरे लघुवित्त वित्तीय संस्थाले बुद्धज्योती लघुवित्त वित्तीय संस्थाको सम्पूर्ण सम्पत्ति तथा दायित्व आफूमा सर्ने गरी प्राप्ति गरेको थियो ।
एकीकृत कारोबारपछि संस्थाको नाम मिर्मिरे लघुवित्त वित्तीय संस्था रहनेछ ।
