नयाँ दिल्ली । भारतीय सेयर बजारका बादशाह मानिने राकेश झुनझुनवालाको निधन भएको छ । उनको ६२ वर्षको उमेरमा उनको आज बिहान निधन भएको हो ।
उनी बिरामी भएपछि मुम्बईको ब्रीच अस्पतालमा भर्ना भएका थिए । झुनझुनवालालाई अस्पतालले २ हप्ताअघि डिस्चार्ज गरेको थियो । तर, स्वास्थ्यमा समस्या भएपछि उनी आइतवार बिहान पौने ७ बजे पुनः अस्पताल भर्ना भएका थिए ।
लगत्तै उनको निधन भएको अस्पतालले पुष्टी गरेको छ । उनी भारतीय सेयर बजारका उदाहरणीय खेलाडी मानिन्छन् । मात्र ५ हजार रुपैयाँ लगानी गरी बजार छिरेका उनले ४३ हजार करोड भारुसम्मको प्रोटोफोलियो बनाउन सफल भएका थिए । भारतमा उनलाई ‘वारेन बफेट’का नामले समेत चिनिन्छ ।
उनले सेयरबजारबाट अर्बौं रुपैया आर्जन गरेका थिए । उनले अहिले लगानी विस्तार गरिकसका छन् । जसमधये एक एयरलाइन्स उद्योग हो । उनको स्वास्थ्य अवस्थाबारे धेरै विषय सार्वजनिक भएको छैन ।
