Advertisement Section

तीन सातामै बैंकबाट बाहिरियो ९६ अर्ब, कसले झिक्यो ?

Advertisement Section

काठमाडौं । वाणिज्य बैंकहरुबाट निक्षेप बाहिरिने क्रम जारी छ । साउनको तीन सातामै बैंकहरुबाट झन्डै १ खर्ब निक्षेप झिकिएको छ ।

नेपाल बैंकर्स संघका अनुसार साउनको तीन सातामा वाणिज्य बैंकहरुबाट ९६ अर्ब रुपैयाँ निक्षेप बाहिरिएको छ । असार मसान्तमा ४५ खर्ब ४१ अर्ब पुगेको वाणिज्य बैंकको निक्षेप साउन २० गते आइपुग्दा ९६ अर्बले घटेर ४४ खर्ब ४५ अर्बमा झरेको छ ।

साउन पहिलो साता ६४ अर्ब रुपैयाँले घटेको बैंकहरुको निक्षेप दोस्रो साता २८ अर्ब रुपैयाँले घटेको थियो भने तेस्रो साता ४ अर्ब रुपैयाँले घटेको छ।

नेपाल आयल निगमले आइओसीलाई तिर्न बैंकमा राखेको पैसा झिक्दा र निर्माण व्यवसायीहरुले राखेको रकम फिर्ता लैजाँदा बैंकबाट ठूलो मात्रमा निक्षेप बाहिरिएको बताइएकाे छ ।

निक्षेप घट्ने क्रम जारी रहे पनि बैंकहरुको कर्जा लगानी भने न्यून मात्रमा बढ्न थालेको छ । साउनको दोस्रो सातासम्म ११ अर्बले घटेको बैंकको कर्जा तेस्रो सातामा भने २ अर्बले बढेको संघको तथ्यांक छ ।

असार मसान्तसम्म बैंकहरुको कर्जा लगानी ४१ खर्ब ७५ अर्ब रुपैयाँ रहेकोमा साउन २० आइपुग्दा ४१ खर्ब ६६ अर्ब रुपैयाँ छ।

चन्द्रागिरि नगरपालिकाको कर अब आइएमई पेबाट तिर्न सकिने Read Previous

चन्द्रागिरि नगरपालिकाको कर अब आइएमई पेबाट तिर्न सकिने

भायानेटको नयाँ शाखा बाराको परवानीपुर र सिमरामा Read Next

भायानेटको नयाँ शाखा बाराको परवानीपुर र सिमरामा