काठमाडौं । नेपालको लागि होन्डा मोटरसाइकल र स्कुटरको आधिकारिक वितरक स्याकार ट्रेडिङ कम्पनीले टाटा ग्रीन ब्याट्रीको पनि आधिकारिक वितरकको रुपमा कारोबार सुरु गरेको छ ।
स्याकारले टू व्हीलर्समा प्रयोग हुन् ब्याट्रीको आधिकारीक विक्री सुरु गरेको हो । टाटा ग्रीन ब्याट्रीज, अटो कम्पनी जीवाई ब्याट्रीजले उत्पादन गर्छ । यो कम्पनी भारतको प्रमुख अटोमोटीभ ब्याट्री उत्पादक मध्येमा पर्छ । गत विहिवार एक कार्यक्रमका बीच सो सम्बन्धी सम्झौतामा हस्ताक्षर भएको थियो ।
उक्त अवसरमा टाटा ग्रीन ब्याट्रीका प्रमुख कार्यकारी अधिकृत रवि गुप्ताले भने, ‘टाटा ग्रीन ब्याट्री टु व्हीलर्स ब्याट्री उत्पादकको रुपमा भारतमा रहेका ठूला बिक्रेताहरु मध्ये एक हो । जसले प्रमुख दुई पाङ्ग्रे सवारी ब्राण्डहरु होन्डा मोटरसाइकल र स्कुटर इन्डिया, टीभीएस, जावा, सुजुकी, प्याजीयो जस्ता ब्राण्डमा सप्लाई गर्छ ।’
गुप्ताले नेपालमा स्याकार ट्रेडिङसँग जोडिएर ब्यवसाय गर्दा कम्पनी र ग्राहकले थप फाइदा पाउने बताए ।
कार्यक्रममा स्याकार ट्रेडिङका अध्यक्ष सौरभ ज्योतिले भने, ‘व्यावसयको दुनियाँमा टाटा एउटा प्रमुख ब्रान्ड हो र त्यसैले टाटा ग्रुप कम्पनीसँग हात मिलाउनु, स्याकार ट्रेडिङ कम्पनीको इतिहासमा एउटा नयाँ चरणमा पुग्नु हो । हामी हाम्रो देशभर रहेका १५० विक्रेताको सञ्जाल मार्फत नेपालको कुना कुनासम्म टाटा ग्रीन ब्याट्री पुर्याउने छौं ।’
