काठमाडौं । नेपाल र संयुक्त अरब इमिरेट्स (यूएई)बीच द्विपक्षीय हवाई सम्झौतामा हस्ताक्षर भएको छ। क्यानडाको मन्ट्रियलमा जारी अन्तर्राष्ट्रिय नागरिक उड्डयन सङ्गठन (आइकाओ) को ४० औं महासभाको क्रममा उक्त सम्झौता भएको हो।
सम्झौतामा नेपालका तर्फबाट संस्कृति पर्यटन तथा नागरिक उड्डयन मन्त्री योगेश भट्टराई र यूएईको तर्फबाट अर्थमन्त्री सलमान विन सइद अलमन्सुरीले हस्ताक्षर गरेका छन्।
सन् १९९९ मा पहिलोपटक सम्झौता भएको यूएईसँग पछिल्लोपटक सन् २०१५ मा पुनरावलोकन भएको थियो। नेपालले हालसम्म ३९ देशसँग हवाई सम्झौता गरेको छ।
