काठमाडौं । लगातार ओरालो लागिरहेको सेयर बजारमा शुक्रबार हरियाली छाएको छ । आज नेप्से परिसूचक १३.७८ अंकले बढेर १८६२.०६ को बिन्दुमा पुगेको हो ।
यसअघि नेप्से परिसूचक बिहिबार ४५.२५ अंक घटेको थियो भने मंगलबार ३७ अंकले बढेको थियो । बुधबार भने ३१ अंकले घटेको थियो ।
साताको अन्तिम दिन २२३ कम्पनीको १ अर्ब १५ करोड १२ लाख ८ हजार ३१ रुपैयाँ बराबरको ३५ लाख ४१ हजार ५३७ कित्ता सेयर किनबेच भएको हो । बिहिबारको तुलनामा आज रकम र सेयर संख्या दुवै घटेको छ ।
हिजो १ अर्ब ४९ करोड ९७ लाख ९ हजार ६३५ रुपैयाँ बराबरको ५० लाख ८ हजार ७७१ कित्ता सेयर किनबेच भएको थियो ।
कारोबारमा आएका १३ वटा उपसमूह मध्ये म्यूचअल फन्ड बाहेक सबैको सेयर मूल्य बढेको छ । फाइनान्स समूहको सबैभन्दा धेरै १.९१ प्रतिशतले बढेको छ भने ०.६७ प्रतिशतले म्यूचअल फन्डको सेयर मूल्य घटेको छ ।
यसैगरी, लाईफ इन्स्योरेन्स,निर्जीवन बीमा कम्पनी,विकास बैंक र हाइड्रोपावर समूूहको सेयर मूल्य १ प्रतिशतभन्दा धेरैले बढेको छ ।
आज कुमारी बैंकको सर्वाधिक कारोबार भएको छ । यसको ८ करोड ६३ लाख रुपैयाँ बढीको कारोबार भएको छ ।
न्याग्दी ग्रुप पावरको ६ करोड ३१ लाख,लक्ष्मी बैंकको ४ करोड ७६ लाख, हिमालयन डिष्ट्रलरी र सिटिजन इन्भेष्टमेन्ट ट्रष्ट ३÷३ करोड रुपैयाँ सहित सवार्धिक कारोबार हुने कम्पनीमा रहे ।
आज न्यादी हाइड्रोपावरको सेयर मूल्य सकारात्मक सकिृट लागेको छ । यस कम्पनीका लगानीकर्ताले १० प्रतिशतले कमाएका छन् ।
यसैगरी,सीवाइसी नेपाल लघुवित्त वित्तीय संस्थाको सेयर ८.२१ प्रतिशतले बढेको छ ।
