काठमाडौं । ङादी ग्रुप पावर लिमिटेडले हकप्रद सेयर निष्कासनका लागि स्वीकृति पाएको छ ।
कम्पनीले बिहिबार नेपाल धितोपत्र बोर्डबाट १ बराबर १.५ को अनुपातमा हकप्रद सेयर निष्कासनका लागि स्वीकृति पाएको हो ।
बोर्डले स्वीकृति दिएसँगै कम्पनीले अंकित मूल्य प्रतिकित्ता १०० रुपैयाँका दरले १ करोड ६ लाख ३ हजार ९८६ कित्ता हकप्रद जारी गर्ने भएको छ ।
कम्पनीले हकप्रद सेयर निष्कासन तथा बिक्री प्रबन्धकमा सिद्धार्थ क्यापिटललाई तोकेको छ । हकप्रद जारीको अनुमतिका लागि कम्पनीले गत जेठ ९ गते बोर्डमा आवेदन दिएको थियो ।
